Volume molar

El volume molar d'una sustancia, en química, ye'l volume qu'ocupa un mol de dicha sustancia. Pue calculase col pesu atómicu o pesu molecular, dividíu ente la so densidá.

Un mol de cualquier sustancia contién N_A partícules. Nel casu de sustancies gaseoses moleculares un mol contién N_A molécules. D'equí resulta, teniendo en cuenta la llei d'Avogadro, qu'un mol de cualesquier sustancia gaseosa va ocupar siempre'l mesmu volume (midíu nes mesmes condiciones de presión y temperatura).

Esperimentalmente pudo comprobase que'l volume qu'ocupa un mol de cualesquier gas ideal en condiciones normales (presión = 1 atmósfera, temperatura = 273 K = 0 °C) ye de 22,4 llitros.

Esti valor del volume molar correspuende a los nomaos gases ideales o perfeutos; los gases ordinarios nun son perfeutos (les sos molécules tienen dél volume, anque seya pequeñu) y el so volume molar sepártase daqué d'esti valor. Asina los volúmenes molares de dalgunos gases son: monóxidu de carbono (CO) = 22,4 L; dióxidu d'azufre (SO₂) = 21,9 L; dióxidu de carbono (CO₂) = 22,3 L; almoniaco (NH₃) = 22,1 L.

Nel casu de sustancies n'estáu sólidu o llíquidu'l volume molar ye muncho menor y distintu pa cada sustancia. Por exemplu:

• Pal nitróxenu llíquido (-210 °C) el volume molar ye de 34,6 cm³
• Pal agua llíquido (4 °C) el volume molar ye de 34,6 cm³

La unidá del Sistema Internacional d'Unidaes pal volume molar ye'l metru cúbicu por mol:

m³/mol ó m³·mol^-1